最近大家有冇留意到又有甜食出現大排長龍情況，係啊係啊佐敦個間啊，你地知我講緊邊間邊樣嘢架啦~法式牛奶布丁包啊，其實2年前已經有集團麵包店推出過，宜家又heat返。小編就冇時間去排隊朝聖住啦，所以唯有借工作黎個自肥，整翻版牛奶布丁包。肯定冇正版咁好食架啦~不過可以止下口癮。 推薦冇時間又嫌麻煩既朋友，可以直接係出去買個現成小圓法包就得啦！
點擊圖片放大
小圓法包材料好簡單，有麵包機就用機搓啦。 高筋麵粉 500克 低糖速發酵母 4克 鹽 10克 水 325克 1. 先打好麵團，借用焗爐空間發酵45分鐘。 2. 排氣分割成5等分，大約165克，滾圓麵團，放置室溫鬆弛30分鐘。 3. 麵團折好收口再次滾圓，這次滾圓記得按扎實一點。 4. 5個麵包團置於焗盤，作最後60分鐘的發酵。 5. 發酵好的20分鐘前預熱焗爐220°C。入爐時放一碗滾水一齊焗10分鐘再拿出來，再焗10-12分鐘至表面金黃便可以。
點擊圖片放大
烤牛奶布丁餡，由於我們想布丁更香濃，全部用鮮奶油代替牛奶。 鮮奶油 500ml 蛋黃 5顆 細砂糖 55克 雲呢拿香油 8毫升 1.先將1半鮮奶油加熱至冒煙。 2. 另一個大碗攪拌蛋黃及糖，攪勻加入熱鮮奶油。 3. 最後將剩餘的鮮奶油都加入攪拌均勻，並用湯匙舀走泡泡。 4. 為了更滑溜，可以再過篩。
點擊圖片放大
合成麵包及布丁餡 1. 將法包從頂部切開，挖出麵包心，不要挖太薄，預留2cm的內壁。 2. 倒入牛奶布丁餡，用150°C度隔水焗30分鐘（水浴法，唔好直接倒水落盤啊！！個包濕曬架啦...），就食得！
