焫焫焫焫焫焫著~香港尼幾日熱到好似去咗泰國咁。 之前有得出國，大家會揀暑假去避暑，宜家冇得揀，唯有留返係屋企避暑啦！ 今次教大家整泰國夜市小食-泰國香蕉煎餅~ 材料好簡單，器具只要屋企有個煎pan就整到ga啦~ 今次唔洗飛泰國，企係馬路邊食住塵，都可以食到人氣甜品啦！ 如果大家嫌麻煩，或者順便經過....可以自己去屯門既泰x子或者元朗既香x仔到買啦，要排好耐...小編上次等咗1.5小時！但好值得~好正宗，係用傳統做法，唔係用現成薄餅皮或者春卷皮ga~
點擊圖片放大
食材 中筋麵粉-日清製粉利斯朵 325克 牛油 7克 雞蛋1個 清水135克 煉奶 40克 鹽 半茶匙 融化牛油 餡料： 雞蛋 香蕉 裝飾:煉乳/朱古力醬
點擊圖片放大
煎餅麵團準備： 1. 融化的牛油、雞蛋、水、甜煉乳、鹽混合在一起。 2. 中筋麵粉慢慢倒入混合液體的碗中。 3. 用刮刀慢慢攪拌混合食材 4. 接著轉用手把麵團揉至光滑。 5. 之後將麵團分成10個小麵團，再用融化的牛油塗在表面。保存在密實盒，冷藏過夜，或者等待2-3小時就可以用。
點擊圖片放大
煎餅： 1. 麵團從雪櫃中取出，等待回暖。 2. 準備一個碗，打散雞蛋，還有切片的香蕉，備用。 3. 麵團在乾淨的工作台輕輕拉扯至薄薄，不要裂開。（此時的麵團是柔軟和有彈性，注意操作）
點擊圖片放大
4. 小火加熱不粘的平底鍋，放入1-2湯匙植物油預熱。 5. 將餅皮輕手放上鍋，加入半茶匙固態牛油。 6. 倒入香蕉蛋漿，煎20-30秒。 7. 再將餅皮4邊對折，將內陷包起來。 8. 煎餅皮至2面金黃色，起鍋。
點擊圖片放大
半煎炸方法把酥餅煎成酥脆效果，注意不要煎糊了~ 淋上煉乳和各種甜醬料，用利的長刀切成1口小方塊，便可食用！
